আত তুলিয়া দুয়া করমু
রেবা গোস্বামী
২২/০৭/২০
(সিলেটের আঞ্চলিক ভাষায় লিখা,
বন্যায় ঘর ছাড়া অসহায় মানুষের জন্য)
উতরর বাড়ির অউ টেপির মায়ে,
দিছিল চাইর টা জেঙা।
হারামজাদা ব্যাঙে আইয়া,
লাগাইদি ছে ব্যাঙা।
জেঙার মাঝে আগি দিছে,
ব্যাঙে আ…
আত তুলিয়া দুয়া করমু
রেবা গোস্বামী
২২/০৭/২০
(সিলেটের আঞ্চলিক ভাষায় লিখা,
বন্যায় ঘর ছাড়া অসহায় মানুষের জন্য)
উতরর বাড়ির অউ টেপির মায়ে,
দিছিল চাইর টা জেঙা।
হারামজাদা ব্যাঙে আইয়া,
লাগাইদি ছে ব্যাঙা।
জেঙার মাঝে আগি দিছে,
ব্যাঙে আইয়া বইয়া।
ইলা কিলা খাইতায় কও চাই,
জেঙার বায়দি চাইয়া।
হাপ, জুক আর ব্যাঙে আইয়া,
ভরছে আমার ঘর।
ইতার মাঝে কিতা ঘুমাইতায়,
লাগে নানি ডর?
হাপ , ব্যাঙ , উন্দুরনু,
আইছে আমার ঘরো।
বাড়ি আমার কুয়াই পাইতায়?
থাকি গাঙর পাড়।
একটুক বাতাস দিলে,
আমার ঘরে লড়ে চড়ে।
হুরুতাইনতরে লইয়া থাকি,
বুকুর মাঝে খালি দড়াস দড়াস করে।
অবায় পানি, হবায় পানি,
পানি ঘরোর মাঝে।
হাপ, জুক,ব্যাঙ যেতাই কও,
হকলতাউ আছে।
আমরার দুক কান বুঝবা কিলা?
টেকা আলা যারা।
পলিতিনোর চাল দিয়া ঘর,
পলিতিনোর বেড়া।
আড় হাওনোর মেগেউ আমরার,
ঘরো আইঅয় পানি।
ইস্কুল ঘরোর দাইরো গিয়া,
খালি জান বাচানি।
হকলেউ কইন আমরার দেশোর,
মাইজি বুলে বালা।
একলা মাইজিয়ে কিতা করতা কও চাই,
অউ তেরান চোরে বালা হাজি লয়নু মাইজির গালা।
আমরার বায়দি মাইজি একবার,
দয়া করিয়া চাইন।
ঘর বানাইয়া, জেগা দিয়া,
আমরারে বাচাইন।
আত তুলিয়া দুয়া করমু,
আমরার মাইজির লাগি।
সুখে থাকতা, বালা থাকতা মাইজি আমরার,
হারা জিন্দেগি।
